போளி / உப்பட்டு..

வணக்கம்  நட்புகளே......

இன்று ஒரு இனிப்பான பதிவு.... போளி..

 ஆனால் இன்றைய  போளியில் ...ஏதும் போலி இல்லை.....

அம்மா செய்யும் பராம்பரிய முறையில் செய்ததது...

 போளி செய்தவுடன் சூடாக பதிவிட முடியவில்லை....கொஞ்சம் 3 மாதங்கள் ஆறிய பின்னே இன்றைய பதிவு...


அதுவும்  எங்கள் ப்ளோகில் "திங்க"க் கிழமை :: இனிப்பு போளி - நெல்லைத்தமிழன் ரெஸிப்பி     வருவதற்கு முன்னே செய்தேன்...ஆனால் அங்கு பார்க்கவும் தான் பதிவிடும் ஆசை வந்தது....

மேல் மாவு செய்ய

மைதா மாவு  - 1 கப்
உப்பு                     - 1/4 தே.க
 மஞ்சள் தூள்  - 1/2 தே.க
நல்லண்ணை    - 2 தே.க

மாவுடன் கொஞ்சம் நீர், நல்லண்ணை ,உப்பு,  மஞ்சள் தூள் சேர்த்து நன்றாக சப்பாத்தி மாவு பதத்தில் பிசையவும்.


 பின் அரைமணி நேரம் ஊறவிடவும்.

பூரணத்திற்க்கு

கடலை பருப்பு - 1கப்
வெல்லம் - 3/4 கப்


கடலை பருப்பை குக்கரில் வேகவைக்கவும்.

 பின் வெல்லத்தையும்  கடலை பருப்பையும் சேர்த்து மசிக்கவும்    ...


( பாகு எடுத்து, மசித்த கடலை பருப்பையும் சேர்த்து மிதமான தீயில்  கிளறி .. நன்றாக சுருண்டு வரும்போது எடுத்து ஆறவிட்டும் செய்யலாம்....  )

மாவையும், பூரணத்தையும்  சின்ன சின்ன உருண்டைகளாக உருட்டவும்.

மாவை தேய்த்து, நடுவில் பூரணம் வைத்து   ...தட்டி..... மிதமான தீயில்  எண்ணை விட்டு போட்டு எடுத்தால் ...

போளி ரெடி...

அன்புடன்

அனுபிரேம்...