தேரழுந்தூர் ஆமருவியப்பன் கருடசேவை

திருவழுந்தூர் (தேரழுந்தூர்) தேவாதிராஜன் திருக்கோயில் 

நாகப்பட்டினம் மாவட்டத்தில் குத்தாலம் வட்டத்தில்..  மாயவரம் குத்தாலம் கோமல் செல்லும் வழியில் 21 கி.மீ. தூரத்தில் அமைந்துள்ளது.   தேரழுந்தூரில் அமைந்துள்ள இக்கோவில் 108 வைணவத் திருக்கோயில்களில் ஒன்று.

சாளக்கிராமத்தில் அமைந்த 13 அடி உயர மூலவர் கொண்ட திருத்தலம்.

மூலவர்: தேவாதிராஜன்

உற்சவர்: ஆமருவியப்பன்

தாயார்: செங்கமலவல்லி

தீர்த்தம்: தர்சன புஷ்கரிணி, காவிரி

பழமை: 1000-2000 வருடங்களுக்கு முன்

தல வரலாறு

ஒரு முறை பெருமாளும் சிவனும் சொக்கட்டான் விளையாடிக்கொண்டிருந்தார்கள். பார்வதி ஆட்டத்தின் நடுவராக இருந்தாள். காய் உருட்டும் போது குழப்பம் வந்தது. நடுவராக இருந்த பார்வதி பெருமாளுக்கு சாதகமாக கூற, சிவனுக்கு கோபம் வந்து பசுவாக மாறும் படி சாபமிட்டார். பார்வதி பசுவாக மாறியவுடன், துணைக்கு சரஸ்வதியும், லட்சுமியும் பசுவாக மாறி பூமிக்கு வந்தார்கள். இவர்களை மேய்ப்பவராக பெருமாள் “ஆ’மருவியப்பன் என்ற திருநாமத்துடன் இத்தலத்தில் ஆட்சிசெய்கிறார்.

அங்கு நடைபெற்ற தை அமாவாசை மூன்று கருட சேவையின் சில படங்கள் இன்று ....

(1588)
தந்தை காலில் பெருவி லங்கு தாளவிழ, நள்ளிருட்கண் வந்த

எந்தை பெருமானார் மருவி நின்ற வூர்போலும்,

முந்தி வானம் மழைபொழியும் மூவா வுருவில் மறையாளர்

அந்தி மூன்று மனலோம்பும் அணியார் வீதி அழுந்தூரே.





அன்புடன்

அனுபிரேம்.