கத்திரிக்காய் மசியல் / சட்னி

வாழ்க வளமுடன்

இன்றைய ஸ்பெஷல் பதிவு கத்திரிக்காய் மசியல் / சட்னி

தேவையானவை


பெரிய கத்திரிக்காய் – 1

தேங்காய் துருவியது  – 1/2  கப்

மிளகாய்   – 3

புளி             – சிறிதளவு

உப்பு

தாளிக்க -கடுகு,உளுந்த பருப்பு , கடலை பருப்பு, பெருங்காயம்

எண்ணெய் - சிறிது


செய்முறை 

 கத்திரிக்காயின் தோலைச் சுற்றிலும் சிறிதளவு எண்ணெய் தேய்த்து அடுப்புத் தீயில் நன்றாக சுட்டு எடுக்கவும்.

மேல் தோல் கறுப்பாக மாறிவிடும், உரிப்பதற்கும் எளிதாக  இருக்கும்.

கத்திரிக்காயின் மேல் தோலை நீக்கிவிடவும்

ஒரு வாணலியில் சிறிது எண்ணெய்  ஊற்றி அதில்  தாளிக்க வேண்டிய பொருட்களை தாளித்து, பின் மிளகாயும்  போட்டு அந்த சூட்டிலே வறுக்கவும்  .

 புளி , தேங்காய் , உப்பு  , தோல் உரித்த கத்தரி மற்றும் தாளித்த பொருட்களை எல்லாம் சேர்த்து அரைக்க கத்திரிக்காய் மசியல் / சட்னி ரெடி .

மிக சுவையான சட்னி , சாதத்திக்கும்  தோசைக்கும் அருமையாக இருக்கும் . அத்தை வீட்டில் இதை சுட்டு பிசையும் சட்னி ன்னும் சொல்லுவாங்க ...

அன்புடன்
அனுபிரேம்