ஊராளி அப்பன் திருக்கோவில், உளுந்தூர்பேட்டை

ஸ்ரீ அருள்மிகு ஊராளி அப்பன் உடனுறை  ஸ்ரீ பூரணி, பொற்கலை திருக்கோவில்,  ஆசனூர் ,   உளுந்தூர்பேட்டை.

உளுந்தூர் பேட்டை  அருகே  உள்ள அய்யனார் கோவில் எங்கள் குலதெய்வ கோவில் . காட்டிற்குள்ளே  அமைத்துள்ள இடம், இவ்விடத்தை  ஆயிரம்  காணி தோப்பு  என்றும்  அழைக்கிறார்கள்.


போன வருடம் ஆகஸ்ட் மாதம் சென்ற பொழுது எடுத்த படங்கள் ....மிக தாமதமாக ஒரு வருடம் கழித்து பதிவிடுகிறேன் .

நாங்கள் சென்றது ஒரு வேனில், மெயின்ரோட்டில் இருந்து இந்த காட்டிற்குள் இறக்கவே அந்த டிரைவர்க்கு  பயம் , எங்கு வண்டி சிக்கிவிடுமோ என்று , இல்லை பொதுவாக செல்லும் வழி தான் பயபடாமல் வரவும் என பல தைரியத்திற்கு பின்னே அவர் வண்டியை எடுத்தார் .

இங்கு வெயில் காலத்தில் அனலாக இருக்கும் நாங்கள் எப்பொழுதும் மே மாதத்தில் செல்லுவோம் . பல பேர் சேர்ந்து தான் செல்லுவதும் , இந்த முறை ஆகஸ்ட் மாதம் என்பதால் மழை பெய்து மிக குளிர்ச்சியாக இருந்தது .


பொங்கல் வைக்க விறகு ஏதும் எடுத்து செல்லவில்லை அங்கு தான் இருக்குமே என்று சென்றுவிட்டோம், ஆனால் மழையில் எல்லாம் நனைந்து , அடுப்பை ஏற்றி பொங்கல் வைப்பதற்குள் ஆஹா அன்று ஆகிவிட்டது .

கோவிலின் கிணறு , சமுதாயக் கூடம் எல்லாமே அருகில் உள்ளது , அசைவ பூஜை செய்வோர் அங்கு சமைக்கலாம் .

திருப்பணிகள் பல நடந்து கோவில் மிக பொலிவுடன் அழகாக காட்சியளிக்கிறது .

போன முறை நாங்கள் சென்றபோது எடுத்த படங்கள் இங்கு  அப்படங்களை காணும் போது தான் எத்தகைய மாற்றம் இங்கு என புரிகிறது .



தொடரும் ...



அன்புடன்
அனுபிரேம்