31 March 2023

பரத தசமி ...

வடுவூர் ஸ்ரீ கோதண்டராமர்  தரிசனம் - ராம ராம ராம ராம !!  









 


ராமன் பிறந்தது நவமியில், அவன் தம்பி பரதன் பிறந்தது தசமியில் !*


கௌசல்யா ராமனைத் தந்தது நவமியில் !

கைகேயி பரதனைத் தந்தது தசமியில் !


புனர்பூசம் ராமனின் நட்சத்திரம் !

*பூசம் பரதனின் நட்சத்திரம் !*


லக்ஷ்மணனும் , அவன் தம்பி சத்துருக்கனனும் பிறந்ததும் தசமியில்தான் !!!


சுமித்திரை பகவானுக்காக லக்ஷ்மணனைப் பெற்றதும்,

பாகவதனுக்காக சத்துருக்கனனைப் பெற்றதும் தசமியிலே !


ஆயில்யம் அடைந்தது லக்ஷ்மணனையும், சத்துருக்கனனையும் தந்தது !


நவமியில் வந்தவன் ஒருவன் ! அவனே ஆதிமூலன் !

தசமியில் முதலில் வந்தவன் ஒருவன் ! அவனே பரதன் !

இருவரில் முதலில் வந்தவன் ஒருவன் ! அவனே லக்ஷ்மணன் !

நால்வரில் கடையனாய் வந்தவன் ஒருவன் ! அவனே சத்துருக்கனன் !


ராமன் உலகைக் காக்க வந்தான் ! லக்ஷ்மணன் அவனைக் காக்க வந்தான் !

பரதன் நாட்டைக் காக்க வந்தான் ! சத்துருக்கனன் அவனைக் காக்க வந்தான் !

ராமன் தர்மம் சொன்னபடி நடந்தான் !

லக்ஷ்மணன் ராமன் சொன்னபடி நடந்தான் !


பரதன் ராம பாதுகையோடு நடந்தான் !

சத்துருக்கனன் பரதனுக்கு பாதுகையாய் நடந்தான் !


ராமன் சீதையோடு நடந்தான் !

லக்ஷ்மணன் ராமனோடு நடந்தான் !

பரதன் ராமனுக்காய் நடந்தான் !

சத்துருக்கனன் பரதனுக்காய் நடந்தான் !


ராமன் தந்தை சொல் காத்தான் !

லக்ஷ்மண் தாய் சொல் காத்தான் !

பரதன் ராமன் சொல் காத்தான் !

சத்துருக்கனன் பரதன் சொல் காத்தான் !


ராமனோ தர்மம் !

லக்ஷ்மணனோ கைங்கரியம் !

பரதனோ நியாயம் !

சத்துருக்கனனோ சத்தியம் !


(--*ஆனந்தவேதம்* தளத்திலிருந்து )


 பெரிய திருமொழி
10 -3. ஏத்துகின்றோம் 
இராமாவதார ஈடுபாடு 


மாற்றம்ஆவது இத்தனையே*  வம்மின், அரக்கர்உள்ளீர்* 

சீற்றம் நும்மேல் தீர வேண்டின்*  சேவகம் பேசாதே*

ஆற்றல் சான்ற தொல்பிறப்பின்*  அநுமனை வாழ்க என்று* 

கூற்றம் அன்னார் காண ஆடீர்*  குழமணி தூரமே. 7

1874





கவள யானை பாய்புரவி*  தேரொடு அரக்கர் எல்லாம்-

துவள,*  வென்ற வென்றியாளன்*  தன் தமர் கொல்லாமே*

தவள மாடம் நீடு அயோத்தி*  காவலன் தன் சிறுவன்*

குவளை வண்ணன் காண ஆடீர்*  குழமணி தூரமே. 8


 1875


























ஸ்ரீ ராம ஜெய ராம ஜெய ஜெய ராமா !
ஸ்ரீ ராம ஜெய ராம ஜெய ஜெய ராமா !
ஸ்ரீ ராம ஜெய ராம ஜெய ஜெய ராமா !
ஸ்ரீ ராம ஜெய ராம ஜெய ஜெய ராமா !
ஸ்ரீ ராம ஜெய ராம ஜெய ஜெய ராமா !



அன்புடன் 
அனுபிரேம் 💖💖

No comments:

Post a Comment