09 January 2020

திருப்பாவை – பாசுரம் 24

அன்றிவ்வுலகம் 
"கிருஷ்ணா, நீ எங்களுக்கு அருள் செய்ய வேண்டும்"







அன்று இவ்வுலகம்அளந்தாய்! அடிபோற்றி *

சென்றங்குத்தென்னிலங்கைசெற்றாய்! திறல்போற்றி *

பொன்றச்சகடம் உதைத்தாய்! புகழ்போற்றி *

கன்றுகுணிலாஎறிந்தாய்! கழல்போற்றி *

குன்றுகுடையாஎடுத்தாய்! குணம்போற்றி *

வென்றுபகைகெடுக்கும் நின்கையில்வேல்போற்றி *

என்றென்றுஉன்சேவகமே ஏத்திப்பறைகொள்வான் *

இன்றுயாம்வந்தோம் இரங்கேலோரெம்பாவாய். (2)




பொருள்: 

மகாபலி இந்த உலகத்தை கைப்பற்றிய காலத்தில், அதை மூன்றடிகளால் அளந்து உன்னுடையது என்று உணர்த்தியவனே!

உன் திருவடிகளுக்கு வணக்கம்.

 ராமாவதாரம் எடுத்த போது, சீதையை மீட்க தெற்கிலுள்ள இலங்கைக்கு சென்று ராவணனை வெற்றி கொண்டவனே!

உன் வீரத்துக்கு நமஸ்காரம்.

சக்கர வடிவில் வந்த சகடன் எனற அசுரனை ஒரே உதையில் வீழ்த்தியவனே!

உன் புகழுக்கு வந்தனம்.

கன்று வடிவில் வந்த வத்சாசுரனை தடியாகக் கருதி, அவனை விளாமர வடிவில் வந்த கபித்தாசுரன் மீது எறிந்து அழித்தவனே!

உன் கால்களில் அணிந்த வீரக்கழலுக்கு மங்களம் உண்டாகட்டும்.

கோவர்த்தனகிரியை குடையாக்கி ஆயர்குலத்தவரை இந்திரன் அனுப்பிய மழையில் இருந்து காத்தவனே!

 உன் இரக்க குணத்துக்கு தலை வணங்குகிறோம்.

பகைவர்கள் எவ்வளவு பலவான்களாயினும் அவர்களை உன் கையிலுள்ள வேலால் அழித்தவனே!

அந்த வேலாயுதத்துக்கு நமஸ்காரம்.

உன் வீரச்செயல்களைப் பாடி, உன்னருளைப் பெறுவதற்கு, இப்போது நாங்கள் வந்துள்ளோம்.

எங்கள் மீது இரக்கம் காட்ட வேண்டுகிறோம்.





ஸ்ரீ ஆண்டாள் திருவடிகளே சரணம்.


அன்புடன்
அனுபிரேம்

2 comments:

  1. //கோவர்த்தனகிரியை குடையாக்கி ஆயர்குலத்தவரை இந்திரன் அனுப்பிய மழையில் இருந்து காத்தவனே!//

    கோவரத்தனகிரியை குடையாக்கி பிடிக்கும் கோலத்தில் ஆண்டாள் பக்கம் கண்ணன் அழகு.
    பாடல் விளக்கம் அருமை.


    ஸ்ரீ ஆண்டாள் திருவடிகளே சரணம்.

    ReplyDelete
  2. கடைசி படம் ரொம்பவே அழகு.

    நல்ல விளக்கம். தொடரட்டும் பாசுர்ங்கள்.

    ReplyDelete