3. ஸ்ரீ யோக நரசிம்மர் கோவில், மேல்கோட்டை.

 குன்றின் மேல் ஸ்ரீ  யோக நரசிம்மர் கோவில்...

முந்தைய பதிவுகள் 

1.  ஸ்ரீ  திருநாராயணபுரம்

2. ஸ்ரீ செல்வப்பிள்ளை -  மேல்கோட்டை 

3. ஸ்ரீ யோக நரசிம்மர்  கோவில்,  மேல்கோட்டை.

இந்த கோவில் பிரதானமான ஏழு நரசிம்மர் கோவில்களில் ஒன்றாகும் மற்றும் கர்நாடகாவின் அபிமான ஸ்தலமாகும். 

 சுமார் 1777 மீட்டர் உயரமுள்ள மலையில் இக்கோயில் உள்ளது. சுமார் 500 படிகள் ஏறி சென்று இங்கு நரசிம்மரை நாம்  தரிசனம் செய்ய வேண்டும் . இளைப்பாறும் மண்டபங்கள் பல படிப்பாதையில் உள்ளன. 

5 அடுக்கு ராஜகோபுரத்துடன் கிழக்கு நோக்கியவாறு  இவ்ஆலயம் அமைந்துள்ளது.

 இரண்டாம் நிலை நுழைவாயில் தெற்குப் பக்கத்தில் ஒற்றை அடுக்கு கோபுரத்துடன் உள்ளது.

 மண்டபத்தின் உச்சியில் யோக நரசிம்மரின் சிலை  உள்ளது. 

மூலவர் ஸ்ரீ யோக நரசிம்மர் யோகபத்தியுடன் அமர்ந்து கால்களை ஊன்றி / ஸ்வஸ்திகா ஆசனத்தில் இரு கைகளையும் முழங்காலில் வைத்தபடி இருக்கிறார்.

நரஸிம்ஹ க்ஷேத்ரம் -

ஸ்ரீ கல்யாணி தீர்த்தத்தின் கிழக்கே மலையின் மேலே ஸ்ரீ யோக நரஸிம்ஹர் ப்ரஹ்லாத ஆழ்வானுக்குப் ப்ரத்யக்ஷமாய் சாந்நித்யம் பண்ணி எல்லோருக்கும் எப்பொழுதும் வேண்டியவற்றை எல்லாம் அனுக்ரஹித்துக் கொண்டு இருக்கிறார் – எனவே  இது நரஸிம்ஹ க்ஷேத்ரம் எனப்படுகிறது.

இங்குள்ள நரசிம்மரின் விக்ரஹம் மாமன்னர் பிரஹலாதரால் பிரதிஷ்டை செய்யப்பட்டது என்பதை நாரதீய புராணத்தின்படி அறியலாம். இவ்விடத்தில் தவம் புரிந்து வந்த விஷ்ணு சித்தன் என்ற துறவியைக் காணவந்த பிரஹலாதர் நரசிம்மரை இங்கு பிரதிஷ்டை செய்துள்ளார்.

பிரஹலாதர் தியானம் செய்த குகை நுழைவாயில் குறுகலான படிகளைக் கொண்டது. பிரஹலாதர் தியானம் செய்த இடம் மூலவர் அமைந்துள்ள இடத்திற்கு நேராக அடியில் அமைந்துள்ளது. 

கட்டிடக்கலை- 

இக் கோயில் கருவறை, சுக நாசி மற்றும் மகா மண்டபம் ஆகியவற்றைக் கொண்டுள்ளது. ஹொய்சாளர் காலகட்டத்தின் கட்டுமானம் என்று கூறப்பட்டாலும், பெரும்பாலான கட்டமைப்புகள் விஜயநகர காலத்து தூண்கள் மற்றும் சிற்பங்களைச் சேர்ந்தவை.

 கருவறையில் ஏகதள வேசர விமானம் உள்ளது.

 ராஜகோபுர நுழைவாயிலில் உள்ள  சிற்பங்கள்- சங்கநிதி, பத்ம நிதி, ரிஷப குஞ்சரம், பாம்பு தெய்வங்களுடன் கூடிய கலிங்க நர்த்தனம், ராஜகோபுரத்தை கட்டிய விஜயநகர மன்னர், மகா விஷ்ணு, கிருஷ்ணர், முதலியன அடங்கும்.

இரண்டாம் நிலை ராஜகோபுரத்திற்குப் பிறகு படிகளின் முடிவில் கருடனின் படம் வணங்கும் தோரணையில் உள்ளது. 

படுத்திருந்த நிலையில் வழிபடும் பக்தர்களின் படங்கள் நுழைவாயிலின் தரையில் உள்ளன. கருவறையின் பக்கவாட்டுச் சுவரில் நரசிம்மர் மற்றும் விஷ்ணுவின் 10 அவதாரங்கள் பித்தளைத் தட்டில் உள்ளது.

வரலாறு மற்றும் கல்வெட்டுகள்

ஹொய்சாளப் பேரரசின் காலத்தில் வைணவத்தைப் பின்பற்றிய விஷ்ணுவர்தனன் காலத்தில் புனித ராமானுஜரின் செல்வாக்கின் கீழ் இந்தக் கோயில் கட்டப்பட்டது.

 14 ஆம் நூற்றாண்டில் முஸ்லீம் படையெடுப்பாளர்களால் கோயில் அழிக்கப்பட்டு சூறையாடப்பட்டது. விஜயநகர காலத்தில் இக்கோயில் புனரமைக்கப்பட்டது. சில ஹேல் கன்னட கல்வெட்டுகள் சுற்று மண்டபத்தின் விட்டங்களில் காணப்படுகின்றன.

இந்த கோவிலில் திப்பு சுல்தான் நன்கொடையாக வழங்கிய ஒரு பெரிய டிரம் உள்ளது.  மைசூர் பரகால மடத்தால் நன்கொடையாக வழங்கப்பட்ட அழகிய மணி  இங்கு உள்ளது . 

மைசூர்  உடையார் மன்னர்களின் ஆட்சியின் போது, கிருஷ்ணராஜ உடையார் - III  இக்கோவிலுக்கு   தங்க கிரீடத்தை வழங்கினார்.

அங்கிருந்து கல்யாணி தீர்த்தம் 

இங்கிருக்கும் நரசிம்மர் யோக நிலையில் இருந்து தனது பெரிய கண்களை கொண்டு நம்மை காக்கிறார். இந்த சன்னதிக்கு  செல்லும் பொழுது நம்மையும் அறியாமல் பரவசம் நம்மை தொற்றிக் கொள்ளும். ஸ்ரீமன் நாராயணா ....

1008  

அம் கண் ஞாலம் அஞ்ச*  அங்கு ஓர் ஆள் அரி ஆய்*அவுணன்

 பொங்க, ஆகம் வள் உகிரால்*  போழ்ந்த புனிதன் இடம்*

பைங் கண் ஆனைக் கொம்பு கொண்டு*பத்திமையால்*  அடிக்கீழ்

செங் கண் ஆளியிட்டு இறைஞ்சும்*  சிங்கவேழ்குன்றமே. (2)

1009

   

அலைத்த பேழ் வாய்*  வாள் எயிற்று ஓர் கோளரி ஆய்*அவுணன் 

கொலைக் கையாளன், நெஞ்சு இடந்த*  கூர் உகிராளன் இடம்*

மலைத்த செல் சாத்து எறிந்த பூசல்*  வன் துடி வாய் கடுப்ப* 

சிலைக் கை வேடர் தெழிப்பு அறாத*  சிங்கவேழ்குன்றமே.   

1010

 

ஏய்ந்த பேழ் வாய்*  வாள் எயிற்று ஓர் கோளரி ஆய்*அவுணன்

 வாய்ந்த ஆகம் வள் உகிரால்*  வகிர்ந்த அம்மானது இடம்* 

ஓய்ந்த மாவும் உடைந்த குன்றும்*  அன்றியும், நின்று அழலால்* 

தேய்ந்த வேயும் அல்லது இல்லாச்*  சிங்கவேழ்குன்றமே.

ஸ்ரீ நரசிம்மர் திருவடிகளே சரணம் ...

தொடரும் ....

அன்புடன்,
அனுபிரேம் 💛💞💞💛