21 September 2022

3. வீரபத்திரர் கோவில், லேபக்க்ஷி

வாழ்க வளமுடன் ...

3. வீரபத்திரர் கோவில், லேபக்க்ஷி


வீரபத்திரர் கோவில் தான் லேபக்க்ஷியில் உள்ள பிரதான கோவில்.

இக்கோயில் சிவபெருமானின் அவதாரமான வீரபத்திரருக்குகானது. 

ஆமை வடிவில் உள்ள குன்றின் மீது இந்தக் கோயில் கட்டப்பட்டதால், இது கூர்ம சைலா என்றும்  அழைக்கப்படுகிறது. 

வீரபத்ரர் கோவில் இரண்டு பெரிய சுற்றுச்சுவர்களுக்குள் கட்டப்பட்டுள்ளது. பிரதான நுழைவாயிலின் கோபுரம் பகுதியளவில் சேதமடைந்துள்ளது. உட்புறச் சுவர்கள் அற்புதமான செதுக்கப்பட்ட தூண்களுடன் பெரிய மண்டபத்தால் சூழப்பட்டுள்ளன.







முகமண்டபத்தில் பிரதான தெய்வமான வீரபத்ரர்  சிவன், விஷ்ணு, தேவி அனைவருக்கும் தனி தனி சன்னதிகள் உள்ளன.  பத்ரகாளி, அனுமன் சன்னதிகளும் இங்கே  உள்ளன. 




ஸ்தல வரலாறு 

 ஒருமுறை பிரம்மாவுக்கும்  விஷ்ணுவுக்கும்  யார் பெரியவர் என்று சண்டை வந்தது ... சிவபெருமான் அங்கே ஒரு பெரிய சிவலிங்க வடிவில் மேலிருந்து கீழாக விரிந்து காட்சியளித்து, லிங்கத்தின் ஆரம்பம் அல்லது முடிவைக் கண்டவர் பெரியவராகக் கருதப்படுவார் என்று கூறினார். விஷ்ணு மேலே சென்றாலும் முடிவைக் கண்டுபிடிக்க முடியவில்லை. பிரம்மாவும் கீழே சென்று தோல்வியடைந்தார்.

ஆனால் திரும்பி வந்ததும், சிவபெருமானின் லிங்கம் பாதாளத்தில் கீழே தொடங்குகிறது என்று பிரம்மா பொய் சொன்னார். பிரம்மா தன்னிடம் பொய் சொன்னதால் கோபமடைந்த சிவன், தன்னிடமிருந்து வீரபத்திரனை உருவாக்கி, பிரம்மனைக் கொல்லும்படி கூறினார். 

பிரம்மா மன்னிப்புக் கேட்டு, மன்னிக்கும்படி சிவனை வேண்டினார். 

சிவன் வீரபத்திரனை விலக்கினார், ஆனால் பொய் சொன்ன பாவத்தால் பிரம்மா எங்கும் வழிபடமாட்டார் என்று சாபமிட்டார்.

சிவனின் சடாமுடியிலிருந்து பிறந்த வீரபத்திரருக்கு இந்த கோவில் கட்டப்பட்டுள்ளது.








இந்தக் கோயிலினுள் சிவன், திருமால், வீரபத்திரர் ஆகியோருக்குச் சிறு கோயில்கள் உள்ளன. சிவனும் திருமாலும் எதிரெதிராக இருக்கின்றனர்.







தொடரும்... 

அன்புடன் 
அனுபிரேம் 💕💕


No comments:

Post a Comment