எம்பெருமானார் ஸ்ரீ ராமாநுஜரின் 1006 ஆவது திருநட்சத்திரம் இன்று -- சித்திரை திருவாதிரை--
ஸ்ரீபெரும்புதூர் ஸ்வாமி ஸ்ரீ ராமானுஜர் திருஅவதார திருநாள் புறப்பாடு....
இராமானுஜ நூற்றந்தாதி
4.
என்னைப் புவியில் ஒருபொருள் ஆக்கி* மருள் சுரந்த-
முன்னைப் பழவினை வேர் அறுத்து* ஊழி முதல்வனையே-
பன்னப் பணித்த இராமானுசன்* பரன் பாதமும் என்-
சென்னித் தரிக்க வைத்தான்* எனக்கு ஏதும் சிதைவு இல்லையே.
2794
5
எனக்கு உற்ற செல்வம் இராமானுசன் என்று* இசையகில்லா-
மனக் குற்ற மாந்தர்* பழிக்கில் புகழ்* அவன் மன்னிய சீர்-
தனக்கு உற்ற அன்பர் அவன் திருநாமங்கள் சாற்றும் என்பா*
இனக் குற்றம் காணகில்லார்,* பத்தி ஏய்ந்த இயல் இது என்றே.
2795
6
இயலும் பொருளும் இசையத் தொடுத்து,* ஈன் கவிகள் அன்பால்-
மயல் கொண்டு வாழ்த்தும் இராமானுசனை,* மதி இன்மையால்-
பயிலும் கவிகளில் பத்தி இல்லாத என் பாவி நெஞ்சால்*
முயல்கின்றனன்* அவன்தன் பெருங்கீர்த்தி மொழிந்திடவே.
2796
 |
உபதேசரத்தினமாலை
27.
இன்றுலகீர் சித்திரையில் ஏய்ந்த திருவாதிரைநாள்
என்றையினும் இதனுக்கு ஏற்றமென்றான் - என்றவர்க்குச்
சாற்றுகின்றேன் கேண்மின் எதிராசர் தம்பிறப்பால்
நாற்றிசையும் கொண்டாடும் நாள்
28.
ஆழ்வார்கள் தாங்கள் அவதரித்த நாள்களிலும்
வாழ்வான நாள் நமக்கு மண்ணுலகீர் - ஏழ்பாரும்
உய்ய எதிராசர் உதித்தருளும் சித்திரையில்
செய்ய திருவாதிரை
29.
எந்தை எதிராசர் இவ்வுலகில் எந்தமக்கா
வந்துதித்த நாள் என்னும் வாசியினால் - இந்தத்
திருவாதிரை தன்னின் சீர்மை தன்னை நெஞ்சே
ஒருவாமல் எப்பொழுதும் ஓர்
முந்தைய பதிவுகள்...
மேல்கோட்டை ஸ்வாமி ராமானுஜர் தரிசனம் (2023)
அன்புடன்
அனுபிரேம்💖💖
No comments:
Post a Comment